ڈاکٹر سُعمیہ بلوچ
ھمے رنگ ءَ ما دنیا ءِ سیاست ءَ بچاریں گڑا سک کم زالبول جہدانی بہر اَنت، اگاں بہر اَنت ھم کسے نہ زانت کئے اَنت، بلوچ زالبول ءِ کِسّہ ھم انچش اِنت ھمے یک ءُ دو زالبول کہ شہراں کئیت سر بیت آئی ءِ سرا ھمینچو پابندی بیت کہ آ سیاست ءِ بابت ءَ جیڑاِت ھم نہ کنت۔ آ واپس لوگ ءَ گْوانک جنگ بیت ءُ آئی ءِ وانگ ءِ سرا واپس پابندی جنگ بیت ۔بلئے بلوچے پدا زالبولے آئی ءِ زندگی کدی ارزان بوت نہ کنت،آ جنگ ءِ تہا زندگی گْوازینگ ءَ اِنت، بلوچستان ءِ سُتکگیں کوچگانی پُراں ھمک روچ روپیت ءُ دنز ءُ گُبارانی تہا گار بوتگیں بلوچے۔ شال ءُ کراچی ءِ دگانی سرا وتی برات، پت، چک ءِ ھاتر ءَ شپ ءُ روچ جہد کنگ ءَ اِنت، واننده نہ اِنت، شہر ئِے نہ دیستگ، بلئے میڈیا، کیمره درستیں جہان ءِ دیم ءَ پِریاد کنت، پدا بلوچ انچش لاچار اِنت کہ ھمے کورٹاں رؤت دست بندی کنت کہ وت بیوس اَنت،بلئے چینچو کساس ما زالبول پجہ کاریں کہ آ دگانی سرا در پہ در اَنت ءُ کُجا چہ اتکگ اَنت۔
دلگوش اے نبشتانک چہ بلوچ وومن فورم ءِ تاک “برمش” ءَ زورگ بوتگ۔
جہل ءِ داتگیں لنک ءَ چہ شمارا سرجمیں نبشتانک پی ڈی ایف ءَ دست کپیت
